睇見好多孕媽媽網友原來都請左工人湊B,而且都係最近的事,佢地都好唔慣呢
其實我都係一樣!!!!
我仲要係冇受外傭稅優惠最可憐的一群僱主之一(7月已簽約,未來2年仲要交$9600)!!!
冇法啦!!一早就預左請工人湊B,因為我地全屋人都要返工(連老爺奶奶),所以5月就去僱傭中心揀人,點知揀左果個唔來,僱傭中心就介紹而家呢個俾我,佢响新加坡做左6年,來港做左1個月,點知俾個香港人用經濟原因唔用佢......當初我都驚係咪佢做錯事,但我call佢舊僱主,又真係因為個舊僱主話唔關個印印事,係佢自己經濟問題,仲叫我可以日後聯絡佢,咁我見大家香港人應該唔會呃我呱???
於是我個印印2星期前就來左啦!!真係好唔慣有多個外人住响屋企......
但好處真係間屋乾淨整齊好多,食完飯乜都唔洗做,又有人幫你拎野......
不過印印唔食豬,買餸要預多樣啱佢食的,我發現自己餐餐唔係雞就牛,仲有佢要食早餐嘛(自己全屋人一直冇食),佢來左起碼要買定麵包、麥皮俾佢,唔通唔俾早餐佢食咩!!!變相又用多左$$$,到我地全屋人去街,又要掛住佢自己一個响屋企食乜呢!!!不過原來好多印印勁鍾意食麵(仲要係出前一丁),每次我叫佢自己食,佢一定食出前一丁架
家人方面都表現得好唔慣,如果我唔响屋企,老公唔敢返去,佢話唔想同工人獨處,我叫佢入房唔好理工人啦~~都寧願等我返左屋企先,唉~~
老爺奶奶又係咁,如果我去街,佢地都寧願出街食飯唔叫工人煮,佢地唔用慣工人,好多野自己做番,本來我叫工人幫佢地,佢地反而叫佢入房休息,唉~~激C我!!!佢地唔明第時叫工人做返就嫌多啦!!!!
距離預產期仲有3weeks,而家期待BB出世後,希望印印真係幫到我啦!!!
你個姐姐 ok 就好啦, 起碼少擔心一樣. 好彩我個姐姐食豬肉架, 佢屋企拜觀音之類 ge, 所以由細到大, 反而唔食牛肉, 食豬肉...夾晒我地 (我奶奶又係拜觀音, 唔食牛肉...我老公就介左牛肉好多年 lu ). 其實我同你地一樣, 姐姐一黎就問我早餐煮 mud...仲有一放假係屋企, 好似 weekend 咁, 姐姐成日問我 : 太太, 你中午要食 mud ? 我幫你煮...我話唔洗喇, 我同先生出去食...haha...佢一定覺得先生同太太好怪...不過我地以前係咁架麻, 慣左...無計...
回覆刪除[版主回覆08/20/2008 13:34:00]咁你個エ人食豬肉真係好得多了,起碼可以整下排骨、豬扒、肉餅咁
係呀, 我工人下星期五會來啦, 我都有d担心。一直都唔用開工人, 突然有個陌生人係屋企, 我諗真係好唔慣...但我地又要出去搵食, 真係無計ge...
回覆刪除[版主回覆08/20/2008 13:40:00]大家咁話啦~~希望我地個工人聽聽話話就ok了!
有工人真係唔慣架~~~不過妳過case唔止影響2個人咁簡單喎~~同埋妳老公連屋企都唔想番,真係有影響喎!!我呢2日諗通咗喇!!仲有3weeks我地baby出世了,無謂係呢段時間(同bb心連心)而唔開心啦~~~
回覆刪除叫妳老公同老爺99,適應下,唔好比工人攪到自己生活有所改變,我e家唔理lu....想係自己屋企做咩都得,話哂自己地球ma....開頭連同老公傾計都費時,e家唔理lu...
希望妳地都開開心心咁等待bb出世啦~~
[版主回覆08/22/2008 14:41:00]我而家唔理咁多啦!總之由得佢地習慣啦!
原來家中多咗個陌生人，會有咁多不習慣，無諗過佢嘅出現會令妳老爺﹑奶奶及老公，會因為妳不在家而唔敢返屋企。
回覆刪除真係可能一直以來大家都習慣咗啲嘢自己人做啦，突然有個人幫你做都係有點不習慣。OK啦，慢慢就會習慣。而且，到大頭B出世後，佢大把嘢要幫手做啦。
[版主回覆08/22/2008 14:42:00]yes!!!!
真係有工人又煩, 冇工人又煩
回覆刪除[版主回覆08/22/2008 14:42:00]係呀
人地話做過singapore d 工人會好乾淨架喎. 請到個o岩o既工人幾好喎.
回覆刪除[版主回覆08/22/2008 14:43:00]暫時都覺得佢乾淨架!
比著我都係咁話 .. 多個人係屋企真係會好吾慣 .. 不過耐左應該好d ge ! 希望你順順利利生bb喇 !
回覆刪除[版主回覆08/22/2008 14:43:00]thx!!!
哈哈, 好得意呀, 不過慢慢應該會慣o既, 應該好好享受有個工人服侍大家呀!!
回覆刪除[版主回覆08/22/2008 14:44:00]有時乜都唔洗我做又真係幾正!
原來大家都會為姐姐的來臨而唔習慣，不過好多用梗工人的朋友話，遲啲你只會為無工人用的日子而唔習慣！
回覆刪除[版主回覆08/27/2008 23:07:00]係呀~我都聽過呀!
始終，2人世界多左個外人...真係會好唔慣...但為左BB..無計喇！
回覆刪除[版主回覆08/27/2008 23:08:00]yes
點呀???習慣咗d未呀???我好好多喇~~仲發覺佢好幫得手
回覆刪除[版主回覆08/29/2008 18:16:00]比之前習慣多左啦,有D關於bb的東西佢仲叫我預備俾佢添!