8月頭參加左"康x"的BB護理機構舉辦的"孕媽媽淋巴按摩DIY"course,個course本身免費的,但我當日咁啱唔得閒冇去......
估唔到前日收到一個電話,話上完個course送一個免費去水腫療程一次,價值$888!我老實同佢講我冇上course喎~佢話照送俾我!!!
其實我都估係美容院的招數,氹我免費做一次之後就"坤"我啦!!
不過我又膽粗粗上去試下喎~~(師奶心態)
响佐敦的某商業大廈內,叫"美x人生",原來專做孕婦的,咁我又放心D!
D裝修ok喎,又獨立房有蒸氣浴室,首先叫我沖身(大肚後好耐未試過响屋企以外沖身啦!感覺好得意)之後要換浴袍,其實直情係一般去美容院做facial的step,只不過我9個月冇去美容院啦,好陌生!!
有個按摩師入來啦,原來呢個去水腫療程係同我按腳連小腿60分鐘,佢話專做孕婦的,叫我放心......好耐冇按腳啦,令我勁懷念北上按摩的日子......
按完同我2隻腳倒膜,暖暖的~~叫我休息30分鐘,但我跟本瞓唔到,因為要平瞓,呢個姿勢好唔舒服......
最後係沖身換衫......我預左佢會留我叫我join course,但竟然係冇喎!!!!哈哈!!!!搞到我有D唔好意思,反而問番佢拎單張參考呢~~~就係咁,我就無端端免費有得做呢個療程~~~好開心
但係,我發現我的腳仍然係好腫......
好搞笑的一個經歷．．．你好大膽啊～我唔會夠膽去．．．
回覆刪除[版主回覆08/30/2008 13:13:00]我都覺得自己好大膽架~
嘩....好著數呀!!!
回覆刪除你就好啦......
我依家都發覺我隻腳好腫呀....
又唔揼得骨~~~
[版主回覆08/30/2008 13:13:00]你又係好鍾意揼骨嗎?me too!
舒服嘛?
回覆刪除[版主回覆08/31/2008 18:04:00]按緊果60分鐘就舒服.....之後倒膜果part就麻麻地~
好著數喎~ 不過，我覺得妳仲大膽囉...
回覆刪除[版主回覆08/31/2008 18:06:00]哈哈 你唔係第一日識我la~
我有上"康x"個"孕媽媽淋巴按摩DIY"course", 都有果張免費去水腫療程一次呀!! 不過驚比人"坤", 所以有去呀!!
回覆刪除[版主回覆09/01/2008 17:06:00]我都係博下咋~~佢真係冇留難我喎,仲話唔想迫人join course!
水腫療程 <--可唔可以比個地址我呢?? 好有興趣呀!!
回覆刪除