唔知大家睇唔睇得明幅相呢?就係我而家工作的地方啦!
唉~~當間間學校都放緊暑假時,我地仲未放呀
因為學校暑假後轉全日制,下午校要搬走,我地上午校原校留低大裝修,於是我地個個係咁執野、掉野囉!呢幅相我都覺得幾壯觀,因為我地名正言順地高空雜物,將D廢紙响樓上掟落操場!(因為唔通要我地搬落去咩?呢個方法係工程人員叫我地咁做,而且之後有好多收廢紙的亞婆爭住拎去賣添!)
走廊全部放滿枱櫈......
目的係要我地騰空D課室俾人裝修!
咁我地老師D私人物件全部入紅白藍袋&pack箱塞晒入呢個音樂室呢~~又係另一個壯觀景象!!
我個位終於清晒啦!不過教員室都會大裝修,D枱枱櫈櫈全部會掉,都幾浪費~~
其實而家學校已經變成一個地盆咁啦!但係我地仲要返學開會、開會、開會......仲要返埋下星期呀!我D同事都替我辛苦,話晒我大住個肚,都要返來同四十幾個同事屈埋一個未裝修的課室開會!唉!咁個個同事都未放暑假,我又點可以唔返呢?
想不到學校要轉為全日制有咁多嘢要掉咗去，仲要大裝修... ...
回覆刪除下午校啲學生去咗邊o架？group埋上午班嗎？
妳大住個肚要小心在校內走動，因為裝修緊會好亂同唔方便呀。
下午校會搬去秀明道
回覆刪除真係好壯觀ge「紙堆」！初時未睇內文，仲以為係你地學校有summer party定open day之類添！ 我地早年幾都試過搬竇（果d起左新校舍，個staff room搬果隻呢！） 果時我地仲樣衰，好鬼辛苦！因為學校收樓遲左半年，我地要係xmas果輪搬；正當班班都開緊xmas party，我地就好似垃圾婆返鄉下，個個輪流推住架手推車，車上座底人人有三四個超大紅白藍，大到自己跳埋入去都仲有位剩ge size（有時仲要走幾轉），推到去新房門口，就要卸貨，連拉帶拖入自己位，因為老細下令唔准推車入去，費事我地撞崩d牆...... 唉~~~ 你有B仔架！萬事都要小心d！ 你地上下午分家，咁出年咪要返全日？
回覆刪除sandy妳係教師>>>好叻啊!!
回覆刪除