上兩個星期去QE覆診時,醫生摸肚話我個肚大安排左昨日(30/7)去照,咁我就同大頭仔又去見下BB啦~~今次同我照的女醫生好cool,照左幾分鐘都唔出聲,咁我問醫生個肚係咪大?有冇問題?佢只係答我BB sizes正常喎,又唔出聲就叫我出去等......
跟住見另一個醫生,佢又係話我BB sizes正常(其實都安心D),但個肚咁大可能胎水多......於是問我有冇做過血糖測試,我又真係未做(因為之前驗小便次次ok),於是就叫我今日做血糖測試(飲糖水)啦!唉......一直以為可以唔洗飲,點知到左而家33週都要飲
今日8:30a.m就自己去QE啦!都有十幾個孕婦同我一樣來做血糖測試,不過我個肚明顯大好多啦~因為多數孕婦係16週或者28週先來飲,(所以我以為自己會免疫),好少好似我咁遲,聽d有經驗的人講D糖水好難飲,飲完又可能會嘔,嘔左又要再飲過,fail左個test就要食營養餐......好驚呀
咁姑娘同我抽左第一次血之後就叫我飲啦,D糖水暖暖地,成一大碗,真係幾難飲!!!飲完等左2個鐘之後就抽第二次血就走得,姑娘話有問題先會打電話通知,希望收唔到電話啦~~~
奇怪的是唔明點解呢2日來QE竟然要我俾錢?之前一直都冇收架(連上次照結構都係免費的),仲話我係公務員所以只需$49,咁普通市民要幾多$$呢?真係冇諗過政府醫院連呢D都收$$喎~~如果我唔係公務員我一定去私家生了!
我雖然唔洗飲糖水來驗血糖 不過我有同事上年去健康院要飲糖水來驗血糖 都唔洗收$$喎!
回覆刪除[版主回覆08/01/2008 12:10:00]其實真係唔知點解,可能今年開始要收呱?
我响廣華飲糖水都要收＄６０架， 但平時產檢就唔洗收＄．
回覆刪除[版主回覆08/01/2008 12:09:00]原來廣華飲糖水都要收＄６０,咁間間醫院都唔同了!
我去瑪嘉烈唔駛錢喎
回覆刪除[版主回覆08/03/2008 00:35:00]真係間間醫院唔同喎!
下, 我抽血要比$150架, 當入院費架, 抽左3次, 比左$450, 上次照結構就好似$50, 公務員已經好好喇....
回覆刪除我係qe架
回覆刪除