今次第二胎,一知道自己bingo就Book醫生啦!首先打去上胎的巫醫生,要等多2個月先有期,真係多人生B,於是試下book另一位位於佐敦的張醫生,出奇地等一個月就有,據我所知佢好多人book,往往要等幾個鐘~~
終於明白為何咁多人幫襯,佢應該係全港最平的,所以等咁耐,時間同金錢成正比,上一胎的巫醫生最多等半小時,而且她的儀器應該最先進,有4D,彩色Mon,仲有DVD,所以每次收$700-$800!今次張醫生,房間較簡陋,只有2D,黑白細Mon(只有佢睇得明),但佢好勁,佢有2間房,姑娘每次叫4個孕婦入去,2個坐醫生房,2個入去超聲波房,咁醫生就車輪轉逐個睇,好勁!而且張醫生講野勁細聲,要好留心才可聽到!但佢其實好有經驗,最重要係佢收得勁平,只需$280!今次話我胎盤低,希望遲D升番高!!
4月27日大約16weeks,張醫生因為上午去左接生,D Booking迫晒下午,我足足等左3個鐘先到我,我好緊張想知仔定女,到醫生指住個Mon話呢度”陰道,冇啫啫!”
我興奮得大叫:”女呀?好野!!”醫生最後都忍唔住問我:”你上胎係仔呀?”
5月25日,大約20weeks,今次再來產檢,我好留心再望住個Mon,俾我見到三條線(即係B女的陰唇),我又問:三條線係咪女呀?張醫生串串地話:”上次咪話你知係女law,我十幾年經驗唔會錯架!”我聽完之後好開心,張醫生咁肯定,我好放心了!
朗天有個妹妹啦!
YEAH !!!!! 一個" 好 "字呀!!! 我佗第二個時醫生都話我胎盤底, 不過又係升返~ 祝你一切順利啊!!!
回覆刪除[版主回覆05/31/2011 10:20:00]承你貴言,希望真的會升返啦!我太耐冇寫blog了,我都未恭喜你呢!
恭喜恭喜..我陀住喬喬個陣都係睇呢個張醫生﹗真係超勁平﹗但等好耐﹗
回覆刪除[版主回覆06/01/2011 23:29:00]張醫生真係全港最平!
Yeah !! 真係恭喜晒同埋真係"好"喇!! 一切順利呀 ~
回覆刪除[版主回覆06/01/2011 23:28:00]咁你呢?hehe~
晴晴就係張醫生接生, 張醫生好好經驗妳放心
回覆刪除