朗天9個月大@為何不早瞓?

朗天9個月大了,時間過得好快~

現在仍然着緊大碼片片,4餐8安奶,1餐糊仔或粥仔~

仲唔係好識爬,唔知點解只係識向後爬~

仲未出牙仔(好彩老人家話愈遲出愈好,如果唔係就擔心c我啦)

好鍾意企,唔鍾意坐~

可以發出”媽媽””爹爹””mum mum” “da da””呀呀”聲音!

有時會扮咳~

但係令我最困擾係亞仔唔肯早瞓,完全跟晒大人時間,我承認係同我地生活習慣有關,因為我地全屋人日頭返晒工,工人姐姐只會餵完佢食奶後就氹佢瞓,於是到夜晚全屋人放工就熱鬧啦,爺爺嫲嫲爸爸排住隊同佢玩,抱,餵,甚至帶佢去威,咁亞仔又點會瞓呢?於是每晚成11點食埋奶先肯瞓,搞得嚟都12點幾啦~

我成日想迫佢早D瞓,確實佢又唔肯,就算10點瞓左,2點會醒又要食埋奶先肯瞓!!

反而而家12點幾可以一覺瞓到大天光到9點半喎~~

爺爺嫲嫲又要開住電視到12點幾,點會瞓啫?又要抱住亞仔,我又唔好意思抱左亞仔走入房瞓,唯有算啦~~有人幫你湊仔仲想點?同老公傾都冇用,因為佢話佢細個都係咁…….

好彩我份工比起佢地叫做放得早,4:30p.m-6:30p.m就係我同亞仔的黃金親子時間,因為到佢地放工我就要放亞仔俾佢地”湊”啦!!

 

P.S 你地睇下呢2幅相,差唔多11點仲鬼咁精神!!

呢排佢好鍾意"挈"大口!!

帶佢去會所玩"on"居居~~