今個復活假又再奉老爺奶奶之命帶亞囝北上,搞到我又錯失左幾個bb gathering的機會,不過其實我地返的地方係佛山,住的地方係老爺早幾年買的新樓,間屋仲大過香港自己住果間,今次上去主要係飲飲食食~~
經過上次新年返過嚟一次既經驗,今次帶埋架bb車上去,加上亞仔咁重磅,下下要抱都唔容易!!
(出發啦~嫲嫲揹住好開心)
(而家返佛山,坐廣洲地鐵直達好方便)
今次返上去,親戚專登訂左圍私房菜招呼我地,真係一間住宅入面食,而且係祖傳祕方,香港冇得食架~yummy!!!
今次又打搞朗天的小表妹啦~小表妹住樓上,有BB床借俾朗天瞓,又可以steam奶樽&有盆沖涼好方便~小表妹都大左好多呢!!
今個復活假最開心就係朗天,因為連續4日有爹哋媽咪爺爺嫲嫲好多人陪,唔係好似平時我地返晒工得工人姐姐,不過,後遺証就係好痴身啦~
沒有留言:
張貼留言