今個復活假又再奉老爺奶奶之命帶亞囝北上,搞到我又錯失左幾個bb gathering的機會,不過其實我地返的地方係佛山,住的地方係老爺早幾年買的新樓,間屋仲大過香港自己住果間,今次上去主要係飲飲食食~~
經過上次新年返過嚟一次既經驗,今次帶埋架bb車上去,加上亞仔咁重磅,下下要抱都唔容易!!
(出發啦~嫲嫲揹住好開心)
(而家返佛山,坐廣洲地鐵直達好方便)
今次返上去,親戚專登訂左圍私房菜招呼我地,真係一間住宅入面食,而且係祖傳祕方,香港冇得食架~yummy!!!
今次又打搞朗天的小表妹啦~小表妹住樓上,有BB床借俾朗天瞓,又可以steam奶樽&有盆沖涼好方便~小表妹都大左好多呢!!
今個復活假最開心就係朗天,因為連續4日有爹哋媽咪爺爺嫲嫲好多人陪,唔係好似平時我地返晒工得工人姐姐,不過,後遺証就係好痴身啦~
繁忙的3月終於過去,我真係覺得自己好忙……
首先因為自己是3月生日,又慶幸身邊有好多好友,好有心同我慶祝,所以有好多日都出左街食食食!!!搞到自己本來係追開無線劇集的師奶都冇乜睇電視lu,如果唔係睇facebook ,都唔知亞Laughing哥係乜水!!!
其次係亞仔半歲啦~好想同佢join半歲生日party, 於是好有熱誠咁四出揾下有乜bb gathering , 當然唔少得之前個322 party啦~好成功好有滿足感呀!
28/3約左ESD班姊妹來個bb gathering,呢班姊妹大家都在同一間婚紗攝影公司影婚紗相而在Esdlife識的,不經不覺識左大约3年了,我地其中5個做左媽媽啦!!
跟住就係公事上,學校轉左全日制後第一次搞運動會,請到方力申做嘉賓,我做大會司儀,好緊張呀,加上有成10個其他友校校長又係嘉賓,真係不容有失!!雖然其他同事笑我可以訪問明星,但如果早幾年(未做亞媽的話)我會興奮啲!
仲有就係要被校長觀課,因為我教果班係融合生,好驚又有突發事發生呀!!不過好好彩,順利過渡!!
最後係有2個好同學的婚宴,其實我身邊好多人陸續好事近了,09年應該合共有10單,唔係講笑!!
雖然好忙,但全部都好難忘!!
