由於爺爺好想農曆新年期間可以帶BB回鄉探親,所以要同BB攞回鄉証!但原來要先拎回港証or passport先可以攞回鄉証,仲要預算埋D工作天,今年個農曆新年係一月尾,嘩!!拿拿聲去辦証先!!
先同BB去影証件相,真係要出九牛二虎之力,爸爸扶住BB坐好,我就同攝影師不斷引佢望鏡頭,好彩係數碼機可以影好多次,先可以响十幾張揾到張好D~~
之後帶BB去拎証啦,一早响網上預約左,咁就唔洗排隊攞籌,好彩嫲嫲陪埋一齊去咋,我以為我填好張申請表就ok,原來我仲漏左張表係要父母之外的第三者簽名,咁叫嫲嫲簽囉!!!
我唔想又再揾一日帶BB去申請passport,所以我一次過申請回港証加passport了,係就係嘥多$140申請回港証(因為其實有passport都可以過關)但我因為趕住申請回鄉証,而passport要1個月後先有得拎,回港証就即刻有了,冇辦法啦,鬼叫我唔一早申請咩!?
原來同bb攞証件咁多野攪嫁!
回覆刪除[版主回覆12/29/2008 22:48:00]到時你要做晒準備先好去拎呀!
Good parents!
回覆刪除[版主回覆12/29/2008 22:47:00](Empty)
睇完先知原來攞證件咁煩，都係早啲攞定passport先！
回覆刪除[版主回覆12/29/2008 22:47:00]其實如果唔一定要回鄉Or出國,可以遲d先攞, 因為有限期架!
bb張証件相好過癮. 朗天真係表情多多好cute. 其實我爸今年都想帶bb返大陸見下d親戚, 但我怕bb食唔慣大陸d食水會肚痛...所以都係等佢大個d 先.
回覆刪除[版主回覆01/03/2009 11:55:00]我都怕bb食唔慣大陸d食水會肚痛架~但老爺的命令唔敢反抗ma.....
想問下, 如果一個bb要返大陸, 要申請咩証件????
回覆刪除係咪一本特區護照就可以出入香港 (是否己等於回港証及回鄉証???)
仲有網上預約後, 係咪一定要帶bb去辦事處搞手續????其實可唔可以將d表格同相mail過去架?????
[版主回覆01/06/2009 18:15:00]如果一個bb要返大陸, 要申請一本回港証or特區護照,再申請回鄉卡,你一定要有特區護照or回港証先可以申請回鄉卡,所以你可以申請特區護照先(如果唔趕時間)因為用特區護照出入香港都可以,但返大陸一定要有回鄉卡,兩樣都可以在網上預約,同埋一定要帶bb去(特區護照可以在取卡時才帶bb去)即係可以先將d表格同相寄去,之後佢叫你取卡你就帶bb去,但我先帶bb做証,之後取証就不用帶bb 啦,不過回鄉卡就一定要先帶bb去申請,我建議你一定要先預約,因為我昨日去取回鄉卡發現有好多人等(即日取籌的)但我就不用等了!
攞証件真係好煩...我上次都打算幫紫晴攞.但最後因太煩,同諗過短期之內都無機會帶佢出國 OR 返大陸,所以都係諗住等佢再大D先攪,唔想"晒"左D$$$.
回覆刪除但我上次睇,好似可以幫BB申請一張"身份証"(無相),咁就可以唔洗帶POASSPORT & 出世紙)
[版主回覆01/07/2009 18:03:00]我申請passport時,佢會"自動"俾埋張無相身份証我呀~
咦... 乜咁煩架...
回覆刪除咁我咪有藉口唔使同呀 b 返大陸住囉 ~~ haa haaa haa
不過, 我自己都要換回鄉證 ! 到時最多咪一齊拎埋囉 ! YEAH ~
[版主回覆01/15/2009 17:57:00]你記住先拎passport/回港証ah!