仍然日日飲上奶湯:木瓜魚,章魚,通草,花生,雞腳......
但是仍然好少奶!點解?
亞仔啜完人奶30mins仍然唔夠,初時補2安奶,只可以頂一個半鐘又喊......
咁補3安奶啦,可以頂2個鐘!
全奶粉4安就乖乖瞓3-4個鐘!
老公結論:唔知食幾多人奶落肚,可能得幾滴......
咁我泵出來啦~~泵一個鐘(每邊半小時),有時1-2安,最多都係3安......咁又真係少喎~~
試過全人奶,半個鐘就喊,咁我堅持一喊就餵(當然check下係咪要換片先啦),堅持到夜晚老公放工見到亞仔咁樣,忍唔住開奶粉俾佢,亞仔當然好肉緊咁食晒成支奶啦!老公就話:"亞仔,饑饉三十呀?"
唉......我聽到其實好灰架~~
叫自己唔好俾壓力自己,連醫生都叫我補多d奶粉......
所以到夜晚至半夜我全程交晒俾老公+老爺奶奶佢地輪流餵奶粉啦,咁都好,我夜晚就非常輕鬆,可以有覺好瞓
亞仔:鬼叫亞媽我咁少奶咩?你又咁鬼大食.....
個樣又好似唔同左!
而家越來越似alan呀
回覆刪除[版主回覆10/04/2008 14:19:00]你唔係第一個講架la!
唔好比咁大壓力自己呀!!
回覆刪除[版主回覆10/04/2008 14:19:00]放心,我知道架la!
阿仔個樣真係日日唔同咁wor... 放鬆d 啦!! 唔好比太大壓力自己呀!!
回覆刪除補返句 恭喜你呀!! 生左個肥肥白白既可愛bb!!
[版主回覆10/04/2008 14:20:00]Thx!佢個樣愈來愈man!
sandy, 你唔好比咁大壓力自己, 不過餵人奶係真係好辛苦, 而最初時, 有時真係可能半個鐘就要餵一次, 因為你未上到奶, 到你上左奶可能會好d, 不過可能要成個月你先可以習慣到d時間, 如果你覺得自己handle唔到, 就補奶粉, 因為餵人奶都要媽媽配合, 你壓力大個奶量又會自然少, 加油呀!!!
回覆刪除[版主回覆10/04/2008 14:21:00]多謝你鼓勵呀,我會努力的!
餵人奶真係困難重重... 我囡囡的問題是餵人奶時好易訓著, 重要訓到唔醒, 又唔知佢吃了幾多, 我泵過自己有4安, 如果佢吃到4安應該夠, 但有時佢吃了15MINS 睡了, 隔幾個字醒了, 我補奶粉都補到3-4安, 咁佢咪好似無食過人奶咁? 但明明我泵出來係有奶的, 如果佢掛住訓, 唔啜我的奶, 咁我都好快會無奶了... 灰...
回覆刪除全人奶,半個鐘就喊, 差唔多喇, 醫生話好正常...
相反我醫生叫我補少D奶粉, 餵多D人奶, 但佢掛住訓, 都唔知點餵~
不過我晚上是全人奶的, 約兩小時餵一次
[版主回覆10/06/2008 22:52:00]你好勁呀,晚上全人奶,希望你可以keep住咁成功!
加油呀, lee段時間係最辛苦同困難架, 要努力面對呀
回覆刪除[版主回覆10/06/2008 22:53:00]收到!
ayia, 終於影到 bb 笑啦 !!
回覆刪除Sandy, 都係果句, 盡左力就得架啦... 唔好比貢大壓力自己. 不用擔心, 我暫時都未開始緊張和擔心. 我都會盡力架啦 ! um... 都我辛苦既時候, 你就邊得輕輕鬆鬆架啦 !!
大家一齊努力啦 ~
[版主回覆10/06/2008 22:54:00]呢張相叫做奸笑相~
我同你一樣, 無咩奶水...我泵出來, 泵半個鐘都係1-2安咋....我已經無可能再埋身餵, 因為阿囡勁猴禽...若果俾佢啜, 我諗我一定損哂...所以我而家都係當人奶係補品咁俾BB食, 泵到幾多就幾多, 食到幾多就幾多....大家一齊努力吧~
回覆刪除[版主回覆10/09/2008 15:46:00]我其中一邊已經俾囝囝啜損左,好痛呀~
我泵出來都係唔多架，不過KEEP住兩小時餵一次，密密食，我覺得阿B啜比BUMP出來多架，而且每次都訓到兩至三小時，體重又上升OK，所以暫時我仲堅持緊全人奶。加油!
回覆刪除