昨天去替囝囝拿出世紙~原本都唔想去,想再遲多幾日,因為假期後第一個工作天一定多人!!果然冇估錯!!我8:30a.m.去到九龍出生登記處,已經見到條"蛇餅"!好驚呀~~聽到D人話排頭位果個5點鐘去到~唔係呱?仲見到D人抱埋BB排隊,好辛苦呀,响條街點換片&餵奶呀?
我都要繼續排啦~都驚冇籌呀~(因為得160個咋),點知排排下俾我發現排我前20個人係網友C,哈!梗係call佢然後"打尖"啦!原來佢只係早我15分鐘到就排前我咁多!!
我地發現勁多大陸人呀~真係好多人落來生,如果分開排咪好law!咁我地D香港人肯定唔駛排咁後!!
雖然8:45a.m.開始辦公,但結果由街排到上去辦事處拿籌要等到10:00a.m.,仲要係173號(好彩果日加到185個籌咋)
好彩我"打尖"咋~如果唔係就白行了!但要等到下午先接見,於是要返屋企再出來!出來就見到......
一日就有咁多人拿出世紙!第日亞仔乜都多人爭了!
Hello!我有出世紙啦~我叫"朗天"呀
朗天bb好得意呀!!! 對雙眼皮真係會電死人呢...
回覆刪除[版主回覆10/11/2008 23:22:00]haha~你有冇俾佢電親?
我上次星期六老公去屯門攞出世紙(得10個籌) 都驚攞唔到出世紙...好在個日無乜人咋!!
回覆刪除[版主回覆10/11/2008 23:23:00]咁你老公揀啱日子去拎law~
哇, 我之前都無咁多人既, 好得人驚呀, 好彩你見到c炸, 唔係就慘了.........
回覆刪除[版主回覆10/11/2008 23:24:00]我就係揀錯日子去拎呀!
我之前諗過,如果生個仔叫天朗
回覆刪除[版主回覆10/11/2008 23:27:00]咁而家都係咪叫天朗呀?
死囉 。。。我究竟要幾點去攞籌呢？？？？？？
回覆刪除[版主回覆10/11/2008 23:30:00]你唔好揀假期後的工作天(即係monday)會好D,不過8:15a.m去應該ok!
朗天 .. 好好聽wor .. 自己改定比人改ga ?! 我囡囡拿出世紙果日又ok wor .. 冇排長龍 ! 好快拿到添 .. 不過係5月既事 !
回覆刪除[版主回覆10/11/2008 23:31:00]係我自己改架!
朗天對雙眼皮好深呀，笑得又好可愛呢！
回覆刪除[版主回覆10/11/2008 23:31:00]thx~
我發覺只係油麻地呢間特別多人, 因為我都係呢間攞出世紙, 其他地方好似冇咁嚴重
回覆刪除[版主回覆10/11/2008 23:33:00]因為呢間做7間醫院出世的BB呀~
朗天好似已經識對鏡頭笑啦... 見到真係開心晒喇 !!
回覆刪除乜要排咁耐架... 有幾間出世註冊處有得拎出世祇架咋 係咪指定左一定要去乜間拎架 ?
[版主回覆10/11/2008 23:33:00]係指定架~
天天個樣好"疏乾"喎
回覆刪除[版主回覆10/11/2008 23:34:00]沖完涼ma~