BB己經有個半月大左右了,湊B的技巧仍在學習中......
因為.......
早上有工人姐姐幫手,由8月開始請佢,主要係用1個月時間睇下佢做成點,家務及煮飯都ok啦~到BB出世,我呢個新手媽媽都係雞手鴨腳,見工人姐姐抱B, 餵B,換片&BB沖涼都熟手過我,(因為我D手勢生硬令BB唔舒服搞到BB扁晒咀),咁我都放手俾佢做,我只係從旁觀察.......
晚上老爺奶奶&老公放工,返來爭住湊,我更加要放手,所以......
我唯一做的只是餵媽媽奶!奈何我的奶量唔多得去邊,要補奶粉才夠!
產假在倒數中,仲有2星期多便返工了,我返工便不能埋身餵媽媽奶了,咁咪唯一用處都冇埋?所以我好珍惜而家餵媽媽奶的時刻!但又怕要BB一下子冇得啜會扭計,因為我發現他好多時候要啜下媽媽奶才安睡,可能當我係人肉奶咀!不過,我樂於咁做,因為這是我與BB最親密的時光呢!又怕一下子唔餵又谷奶勁痛,好唔開心呀!!
仲有就係究竟坐完月未?之前因為惡露未清唔敢補,過左成3個星期先至食下燉雞,薑醋咁,又有人話餵媽媽奶唔好食薑醋,同埋要食多D嘢唔好減肥......昨天去做facial時冇見個美容師9個月,第一句就話:"乜你肥左咁多?"我直情當頭棒喝!!!!!又難怪佢,佢唔知我大肚生埋仔呢!!!
又有人話坐月係100日,100日內仲要補,補乜呀?唔通又叫奶奶燉野俾我食咩?我其實而家都冇食D補野,只係食量同陀仔時一樣咁多,如果太少好似對餵人奶唔好,搞到我唔敢減肥住......
(圖1)工人同BB沖涼,我只從旁觀察......
(圖2)BB最愛看五顏六色的玩具!
我同你一樣, 日頭係陪月湊, 工人又熟手過我, 所以夜晚佢湊, 到今日亞囡差唔多兩個月大喇, 我餵奶, 掃風都唔多過 10 次, 真係好生手 (我覺得掃風特別難, 我成日都掃唔到) 換片就好少少, 日日都有做, 都 ok. 有時真係覺得自己係一個好唔稱職既媽媽...你返工之後都係靠工人湊嗎 ?
回覆刪除[版主回覆10/23/2008 17:18:00]我日頭返工之後都係靠工人湊啦~所以而家放手俾佢湊等我大約知佢點凑law~你都係嗎?
唉, 我就好羨慕你地有工人. 我得個奶奶. 只係幫手幫bb沖涼下同bb喊個時幫手抱下. ar b又難湊. 所以我坐月哩段期間好辛苦. 無教好訓.
回覆刪除[版主回覆10/23/2008 17:20:00]我都係因為第時個個返晒工冇人睇bb先要請工人咋~
請到熟手的工人真係好好運，如果個工人唔掂，真係有排煩，我都係新手阿媽，邊湊邊學。
回覆刪除[版主回覆10/25/2008 22:18:00]一齊努力!
好得意牙個BB.. 如果你真係想減... 可以去呢度睇下 http://www.yourhealthyshape.com/toby 希望幫到你!
回覆刪除我開頭都好唔放心個工人湊,
回覆刪除又有o的呷醋唔想其他人掂我阿b,
不過後尾唸通o左自己第時返工都要靠佢先肯放手,
話晒佢地o向o個面train up 過,
我相信你o個個都係有nb經驗你先請佢吧?
依家半夜阿b一喊就有工人餵奶,
真係分擔o左好多呀!!
[版主回覆10/25/2008 22:20:00] yes!我請佢都係貪佢有湊nb經驗咋!
眨眼間，朗天就個半月大了，看著妳網誌內的照片，先驚覺原來BB真的長大得很快﹑樣子變化很大。難怪很多父母都說要趁這段時間好好地與BB相處，不想錯過任何看著BB成長的過程。加油呀！
回覆刪除[版主回覆10/25/2008 22:21:00]thx!
BB成日有d好搞笑既表情, 我估真人一定好討人歡喜
回覆刪除[版主回覆10/25/2008 22:21:00]hehe~
唔好擔心, 唔好唔開心, 個個新手媽媽一定雞手鴨腳, 一定冇其他人湊得好, 初初曉澄都唔鍾意我地抱, 因為我同老公都抱得佢唔舒服, 雖然宜家佢都唔鍾意我地抱 (仲好, 唔駛扭抱), 但佢都鍾意同我地玩下, 傾下計...唔好同人比, 你先係bb既唯一媽咪, 冇人替代到你架....加油!!!
回覆刪除[版主回覆10/25/2008 22:22:00] 多謝你!
最後果長相笑得好 cute 呀 ~~
回覆刪除um... 有個幫得手既工人真係差好遠架... 咁你咪可以好好休息下囉 ~~
[版主回覆10/25/2008 22:22:00]yes~
其實是但啦, 一切隨心, 最緊要吃得均衡健康便可以了...
回覆刪除