未生之前都打算餵BB食人奶,但原來實行起來真的不易!!
BB在晚上出世,姑娘叫我好好休息,我也真的很累,所以BB俾姑娘湊沒有飲人奶......
BB出世第二日,醫生說BB好多口水不適合吃人奶,(其實唔係好明),所以又俾姑娘餵奶粉.....
BB出世第三日,姑娘終於俾我餵人奶,但我好"生手",加上好似未上奶,BB成日喊,姑娘又幫我補奶粉......
BB出世第四日,醫生check到BB血糖低,"命令"我一定要幫BB補奶粉!!因為人奶唔夠飽!!!
BB出世第五日,因為飲左奶粉,血糖已經回復正常,可是黄疸指數高左,要留院照燈,於是在醫院的五天都係飲奶粉......
BB返到屋企,我餵人奶,但BB好像不夠飽,家人看見BB常喊,好心痛,於是補奶粉,BB又真係飲左奶粉乖乖安睡......
返健康院姑娘教了我餵人奶技巧加上解答我疑問,我信心又大左,以為自己可以成功!!點知冇幾耐BB又成日喊,家人又再認為BB唔夠飽,要補奶粉,BB又真係飲晒3安奶粉,唉......我真係好內疚!!我好可能唔夠奶俾BB
家人唔支持我餵人奶,老公覺得我又辛苦(BB一個鐘左右又餓了,跟本冇得瞓),BB又唔夠飽,我已經日日木瓜魚湯了,我用泵奶器又真係每次泵得1安......好失望......
今日再返健康院,醫生都叫我補奶粉,咁我唯有當我D人奶係甜品咁俾BB啦!!!
P.S附上BB近照數張(注意後面幾張LOAD得比較慢)
不如你泵出來比佢食啦!!我都係咁比BB食! 而夜晚就比奶粉佢食.
回覆刪除[版主回覆09/25/2008 18:08:00]我都有泵出來,但多數埋身食,聽人話埋身bb食得多d!
我係BK度見有媽咪介紹飲黑豆茶，話可以增加奶量，係ciytsuper, muji or DHC都有，但唔係成日有貨，可以打去問咗先，記住唔好買錯黑豆麥茶！我就係藥材舖買定咗包黑豆，到時叫工人用白鑊炒定, 生完自己沖嚟飲。記住要買青皮黑豆, 即內裡的肉係青色的，係靚啲, 黃肉無咁靚。
回覆刪除[版主回覆09/25/2008 18:09:00]Thx for your sharing!!
加油, 餵人奶唔容易, 不過要有恆心同信心, 唔好放棄呀!
回覆刪除[版主回覆09/25/2008 18:09:00]我會努力的~
日日都係木瓜魚，悶咗啲喎，煲吓花生豬腳湯、豬腳木瓜湯，又或者，用豬腳湯沖炒黑芝麻（黑芝麻洗淨然後白鑊炒吓佢），呢啲都有助下乳架
回覆刪除[版主回覆09/25/2008 18:10:00]知道,醫師
BB好似爸爸哦~~ 我都打算BB出世後俾人奶佢,但聽你咁講...確實真係唔容易
回覆刪除[版主回覆09/25/2008 18:11:00]人人唔同的,或者你多奶水的話會冇咁辛苦!
唔好比太大壓力自己, 如果真係唔係太夠奶, 要補奶粉, 都唔緊要啦. 如果 bb 每日都有少少人奶食到, 都好好架喇. 最緊要自己舒服, 唔好咁緊張呀...relax
回覆刪除[版主回覆09/25/2008 18:13:00]我知道......而家都keep住日間有2餐人奶補奶粉!夜晚全奶粉!
oh... it's really that hard to 餵人奶 ka...
回覆刪除[版主回覆09/25/2008 18:14:00]希望你成功la!
加油呀！....初初係要餵得好密架！我起初都係個個鐘都要餵架！
回覆刪除[版主回覆09/25/2008 18:14:00]你都一樣呀~努力~
小朋友係咁...我個個食奶粉都成日喊住要再食,有時我都會再補多1至2安俾佢.食左佢又好地地.
回覆刪除醫院姑娘都有講.BB仔一日只會喊,食同瞓....好正常,唔好俾太大壓力自己.
要加油!!!
[版主回覆09/25/2008 18:15:00]多謝你支持!
放鬆啲吧，其實唔只妳遇到咁嘅情況o架，之前我聽其他餵人奶的朋友都會遇到餵唔飽BB的，所以，妳唔好怪自己啊！
回覆刪除TAKE IT EASY, RELAX~~
[版主回覆09/25/2008 18:16:00]Thx!
吾駛覺得內疚GA .. 可能未上奶 .. 你餵到幾多得幾多LOR ! 每次飲完人奶再補奶粉 .. 你要KEEP住人奶比BB咁D奶先上到GA .. 我既經驗所得! 吾駛擔心 .. 不過BB原來多口水吾飲得人奶我真係第一次聽 .. 咁你要考慮餵吾餵LA ! 同埋BB喊係好心痛 .. 不過喊對佢有好處肺會壯D .. 放鬆D LA !
回覆刪除[版主回覆09/25/2008 18:17:00]我會儘量餵la! Thx!!!
餵人奶真係要好有決心, 開頭真係好辛苦... 但現在我放開了, 佢唔夠飽我就補奶粉, 壓力少咗, 個人先至開心返d...
回覆刪除[版主回覆09/29/2008 19:40:00]我都學左你啦~真係好d!
我同你情況勁似喎! 我又係半夜生阿B, 加上我發燒開刀, BB一出世就去了兒童護理病房檢查兩日, 呢兩日我都無得餵人奶, 加上BB一開始尿量較少, 就算第三日返來我身邊, 醫院都「命令」我要補奶粉, 幫助BB排尿.....到返左屋企, BB食人奶又唔多飽, 加上怕佢尿尿唔正常, 又補左奶粉.....而家我仲發現自己愈來愈少奶....泵得好辛苦先得1安....真係滴滴皆辛苦.....所以我同你諗法一樣, 唯有當甜品咁俾阿B食...食得1ml得1ml....希望可以餵到一個月.....(我驚自己隨時收奶....)
回覆刪除[版主回覆09/29/2008 19:40:00]我都希望可以餵到一個月,一齊努力!
壓力愈大愈難餵。。。我個仔宜家更加唔肯埋身食。。。
回覆刪除[版主回覆09/29/2008 19:45:00]真係好難唔俾壓力自己......好彩有你地支持!
bb 對眼真係好大呀 ~~ 眼仔碌碌 !! so... cute !
回覆刪除都係唔好比貢得壓力自己啦... 順其自然... 放鬆 d 啦 ! 盡左力就得架啦... 雖然我未經歷過 !! 如果唔係... 搞到我都好擔心添 !
加油呀 ~~
[版主回覆09/29/2008 19:46:00]希望唔好嚇親你啦~
Sandy, 唔好比咁大壓力自己啦, 我同你個CASE都有D似, 因為頭日半BB去咗SPECIAL CARE, 我餵唔到人奶, BB都係習慣咗食奶樽, 佢又係唔肯食攪到我都唔能上奶, 但盡量啦, 我都係餵到幾多就幾多, 然後補奶粉, 最緊要BB有食到人奶就得啦, 遲D就會好D架喇(I BELIEVE), 比D耐性.
回覆刪除大家一齊努力丫!
[版主回覆09/29/2008 19:47:00]好,大家咁話!