標題所說的是我工作的感受!真係做到忟!!!!!
一直好想响Blog寫下我工作所見的奇人奇事~~但發現有學生會看我的Blog,真係唔敢暢所欲言
,但呢排真係做到人都癲,寫少少渲洩下先!!!
由於學期尾,都預左勁忙,忙文件上的事我都冇咁慘,因為可以平心靜氣慢慢做,至多每日做多幾粒鐘......
最慘係考完試,仲要對住班學生成個月,唔知係咪呢排又熱又落雨,佢地屈响課室勁燥,發生的火爆事特別多,每日入的不是課室,而是街市!
嘈喧巴閉已經唔係大問題,但唔通唔理?於是就要同佢地鬥大聲地叫佢地唔好嘈!(佢地唔會自動收聲的,係要鬧鬧鬧鬧鬧)你至會收貨!
如果唔係大肚,我唔會覺得辛苦,事關我肯定夠氣同佢地拼過!但係佢地並唔係見你大肚就對你好d,反而知你冇乜殺傷力,費事睬你!
我唔會覺得自己失敗,因為識我的朋友都知我教的是甚麼類型的學生,這所學校,我可以說是一個"有教無類"的地方,你可以在這裏看到很多奇事!
就寫下其中某些一年級學生所做的"普通碎料"事:
1:小息時把餅乾壓碎倒在同學頭上
2:問人借鉛筆然後用手大力折斷,斷左又再借過又整斷,借到人地冇晒筆(但借俾人果個又蠢到不斷借俾人......)
3:把鋁筆刨內的筆碎倒在同學的書包內
4:上堂踎低食原隻雞蛋,俾我發現成地蛋殼都唔認
以上只係非常瑣碎的事,但係又唔可以唔鬧,每日就要鬧鬧鬧,還有好多比上述更嚴重的事,咁果d就真係有情緒及行為問題的學生做的,每到學期尾d情況就更加犀利,日日係咁鬧人,我其實好擔心影响bb......
因為3月流感停課,今個暑假又遲放,仲要捱多成個月呀!!!!!
小學生令人無奈=-=(聽說我上年都是小學生^v^|||)
回覆刪除你教果班小學生又真係幾精彩喎﹗不過宜家d一仔又真係幾犀利，青出於藍呀﹗
回覆刪除[版主回覆07/01/2008 17:26:00]我都仲未夠膽寫D更犀利的case出來,費事嚇親大家啦!
d學生真係好得人驚, 重要係一年級
回覆刪除如果你唔想比學生見到你個blog, 你可以set左只比朋友同家人先睇到
[版主回覆07/01/2008 17:24:00]多謝你的意見,下次等我試下先!!
請好好愛惜老師啦。
回覆刪除妳也要小心啲小朋友......
[版主回覆07/01/2008 17:23:00]我會一眼關七啦!THX!!!
恭喜你就快就媽咪呀！ 幾時生呢？
回覆刪除嘩~~~你係咪入錯左邊個星球ge課室？全部都係小魔怪黎ge？好驚嚇呀！
唔好激親自己同阿B
btw, 我係Dora，搬左blog，你add番我丫
[版主回覆07/01/2008 17:22:00]我9月中生啦!仲可以放埋個暑假先放產假呢!
其實一定有不同類型的學校,只係我教果間就唔係一D普通的學校啦!
我add左你啦!
多多小心呀~~忍多一排~~~!!!
回覆刪除[版主回覆07/01/2008 17:18:00]我會小心架啦!Thx