照結構

5月9日去了私家診所照結構,醫生話我超重了~~嗚

因為我已經重左20磅啦,(醫生話正常應該重十幾磅),大頭仔問醫生我係咪要食營養餐,佢話暫時唔需要.但真係要注意飲食!

知道好多孕媽媽都要响醫院飲"糖水"check糖分,唔合格就是患"妊娠糖尿"了!但我响QE產檢咁耐,醫生都冇叫我飲"糖水"喎~聽聞D"糖水"勁難飲,好多人飲完就嘔,嘔左又要再飲,唔知我可唔可以免疫呢?我唔想飲呀,我驚真係會唔合格呀!!!

今日照結構睇左大頭B的手手腳腳,手指腳趾......好得意呀!最重要係一切正常,冇兔唇冇心漏!同埋見到佢不停咁郁,又出拳又踢腿,我、大頭仔同婆婆睇得好開心

今次要埋隻DVD俾老爺奶奶睇,佢地驚歎科技先進,可以用DVD睇番呢個照結構過程,並唔係普通黑白相呢!不過,令到佢地最開心的,應該是他們看見了大頭B的"JJ"了!哈哈!