變"型"金剛

日前陪左大頭仔睇"變形金剛",細個都聽過呢套卡通,但我係女仔一聽到電視播就會轉台啦!冇興趣ma~~

反而大頭仔梗係一集不漏啦,仲會問我:乜你一集都未睇過呀?連柯柏文,麥加登都唔知?有冇搞錯呀?

於是佢滔滔不絕咁講俾我知乜鬼"狂派"/"博派",又鎗又車咁......等我消化下先!

套戲真係幾好睇wor~~好緊張又冇悶場,係最後唔明麥加登無啦啦死鬼左?大頭仔猛話卡通明明係柯柏文死喎~~吓?死左又有第2個柯柏文......sorry!我冇辦法同佢集體回憶

返屋企無意中發現我唉吔大佬買左變形金剛玩具,睇左戲發現奸的角色仲"型",尤其係架警車,真係變"型"!

好型呀!所以大佬都買呢個角色架車!

雖然係小朋友玩具...都做得幾有心機!

呢個玩具其實係支筆,你睇下幅相右下角!(係咪柯柏文黎架?)