買"番梘"記

網友在我結婚時送了一部wii給我們,啱晒大頭仔啦!早前趁Easter去改機玩"番梘"game!

點知買game超麻煩!!首先用紙寫低你買邊隻game,然後俾$,叫你半個鐘後去拎!

但到你去拎時竟然話冇貨......(大頭仔第一次去買時仲經典,就係買左之後,半個鐘後去到竟然俾海關"come"左)吓?改機用左$400,買game$200,咪冇左$600?

好彩!!!原來呢間"番梘"店好有信用,過左幾日開返又真係肯俾番D game你喎!不過D貨硬係唔齊law!

之後第2次幫襯,大頭仔買4隻,得3隻有貨,叫你第日去拎,佢將呢個重任交俾我,我先知呢間番梘店咁多人幫襯,係排長龍拎game架,不過我第1日去拎又冇貨,第2日去拎又冇,好在D sales好有禮貌,sorry前sorry後!同埋近我屋企咋,如果我係山長水遠來,真係鬧爆佢!結果,第3日有貨啦!