姊妹R快將結婚,我順道借出在我結婚註冊時用的羽毛筆及介指枕給她,(它們已在3月時在另一友人婚禮中使用了第二次)難得我把它們keep得好好呢!還有我的褂及大頭仔的禮服 、rundown等也借出......
我的褂之前也借過另一位新娘,是我友人的友人,雖然不認識她,但她還褂給我時顯得非常開心,說當天她穿得很漂亮,還買了8份禮物給我!真的!是8份!!!!
幫到人好開心,今次姊妹R結婚,她說跟着我的rundown去改,也訴說她只是一個人去安排(其實我都係啦,全個rundown、遊戲、晚宴節目、甚至歌曲也是我安排,只是大頭仔唔肯承認佢冇份做),不過,過了這最繁忙的籌備階段,就會冇晒壓力啦!現在我就像個婚禮顧問呢!
今日放學先知今朝DonDon噎左舊"鹿腳筋",老豆話佢又嘔白泡又唔肯食野,唔肯郁同不停流口水......
好彩今日我一放學可以即刻走返去屋企,立即call大頭仔,我好驚Dondon有事,大頭仔都肯即刻揸車接我帶Dondon睇醫生!
先去屋企附近間獸醫診所,佢已經fully book,不過都肯聽我講病情,佢建議我去D有x-ray的診所,於是即刻到勝利道佢睇過的獸醫,照左x-ray先知原來舊硬物click住食道,醫生話要轉介去另一間可以做手術的診所,寫左封信俾我叫我即刻去......
(果然,呢間專科好多人&狗,你睇下......)
但係Dondon情況緊急,我地就打尖睇先,獸醫好凝重同我講佢要做手術,一係夾番舊筋出來,一係"隊"入去胃,但係因為佢而家位置接近個肺,手術有機會令舊筋整穿個肺,咁Dondon就即時有生命危險......聽到呢度我D眼淚就係咁流,因為見到Dondon冇晒心機,又驚以後真係見唔到佢......
但唔做手術又唔得,因為佢食唔到野......
醫生叫我簽紙承擔風險,我捉住Dondon手仔,但佢仍然垂低頭冇望我,原來,我好驚冇左Dondon......
之後要放低$5000,用作手術費,如果錢可以救番佢,多多都俾!!
我懷住沉重的心情回家去......
(這舊就是另一舊"鹿腳筋",咁大舊click住食道,梗係痛啦!)
(Dondon等見醫生前冇晒心機......)
逸東酒店是一間專門做婚宴的酒店,前晚出席友人p小姐的婚宴,發現這間酒店6個廳都是xx聯婚,呢日確係好日!!而我今次是在6個廳中最低的一層(B2)的彌敦廳!看!由於是在地庫關係,要步行下樓梯才到這小小的門口!
不過也可擺放2個油畫架!
新人分別在羅浮官及現代經典影的靚靚婚紗相!
樓底不高,個5層蛋糕差唔多到頂!
可愛的花仔Nathan是我同事個仔仔,亦是新娘子的姨甥仔!
是晚一對婚宴司儀就係我個婚宴司儀"區sir&慧詩",佢地合作無間,學校大小節目都係靠佢地,今次呢對新人沒有預備任何遊戲,原來新郎勁怕羞,就只有呢一part---重做求婚儀式!(佢都可以跪响度唔出聲好耐要人提佢先得)
今次服務我地呢枱的待應生勁唔掂又固執又慢,叫佢唔洗分12碟(得10人)都要分,每次拎碟食物俾我一定要放我右邊(明明佢企我左邊ma,碟食物要跨越我個頭拎去我右邊先放低!!)11點先食雞,結果11:30先散席!!!
這個生日雪糕蛋糕外表雖是啡+白色,但內裏是哈蜜瓜味雪糕，(仲有哈蜜瓜果肉呢!)
原來大家一畢業到現在也會輪流慶祝各人的生日,慶幸我們這班同學也keep住這個習慣!
計落呢班同學係我其中一批認識超過10年以上的朋友,我們各有各忙,但是一到我們其中一人生日的話,一定出來慶祝!
當初由Band1的名女校轉來這間Band3的男女校讀預科,還記得自己"唔駛點讀"就考了第3名,嘩!同以前死讀爛讀都唔合格比較,終於明白band 1同band3的分別!
話雖如此,我卻認為這間Band3的學校帶給我愉快又不一樣的預科生活,例如我們在課室內剪頭髮,把課室的光管用有色玻璃紙包住令全個課室好似Disco咁......haha,响以前間band 1學校邊會咁做?
但我們沒有學壞,畢業後有的繼續升學,有的出來做事,一眨眼,我們現在有的結了婚,有的做了演員,有的肥了很多......
我地真係好似草蜢果首"我們"呢!
日前陪左大頭仔睇"變形金剛",細個都聽過呢套卡通,但我係女仔一聽到電視播就會轉台啦!冇興趣ma~~
反而大頭仔梗係一集不漏啦,仲會問我:乜你一集都未睇過呀?連柯柏文,麥加登都唔知?有冇搞錯呀?
於是佢滔滔不絕咁講俾我知乜鬼"狂派"/"博派",又鎗又車咁......等我消化下先!
套戲真係幾好睇wor~~好緊張又冇悶場,係最後唔明麥加登無啦啦死鬼左?大頭仔猛話卡通明明係柯柏文死喎~~吓?死左又有第2個柯柏文......sorry!我冇辦法同佢集體回憶
返屋企無意中發現我唉吔大佬買左變形金剛玩具,睇左戲發現奸的角色仲"型",尤其係架警車,真係變"型"!
好型呀!所以大佬都買呢個角色架車!
呢個玩具其實係支筆,你睇下幅相右下角!(係咪柯柏文黎架?)
