與匡匡相聚~

朗天早匡匡幾個鐘出世,個size差唔多,都係大碼&大眼BB~

早排我話放暑假驚悶, 匡匡媽媽 Carmen就約我啦~好開心~ Thx Carmen !!

2個BB好似冇乜交流,反而2個媽媽好多交流!!

 

2個BB玩玩玩,2個媽媽傾傾傾......

期待與匡匡&其他BB朋友仔再聚呢

貪張小餐椅,又掃5包片

睇到BLOG友網誌知道PAMPERS有好野送~

而家買5包日本制造的特級綿柔Pampers尿片~剪齊片片袋的SIZE碼數&中西藥行LOGO, 就可以打上HOTLINE 換領1張"fisher price" 既BB 餐椅，價值$399架~

(要有做pampers promotion的counter先有禮物0架)

 

 

另外個promoter仲送多8片XL試用裝俾我,其實我之前已有2個月片片存貨,但 貪張小餐椅,又掃5包片!咁就買定加大碼啦!

 

 

呢張小餐椅, 其實我已有1張,亞仔用得幾好,想換多張放我另一間屋度,等佢有親切感!!

朗天の第一次過大海去~~

上星期六日同朗天去澳門,係因為明知呢個暑假我冇得去旅行啦,就當呢次係啦!而我計過我地一行5人加BB,如果租D 平酒店都要2間房,不如租威尼斯人酒店,因為有網友去過話D 房係套房一定夠住!由於太遲book,平的旅行社已冇晒房, 所以去永安book,果然有位,係貴D啦!點知book左之後話會打風,真係唔好彩,book哂一定要去啦!

 

朗天第一次坐船時表現良好,好興奮!今次帶埋工人姐姐去係因為我早前同佢提早續約佢一定要出境一次,順便揾佢抱住BB(冇帶BB車呀)

第一時間去酒店先,Check in 時request要BB床,真係有wor!仲送隻公仔俾亞仔添!我book左有2張queen size床的套房,而張梳化可以變梳化床真係正!!咁我&老公,爺爺嫲嫲瞓床 , 工人姐姐瞓梳化床,6個人夠哂住!

難得在五星級BB床一覺瞓到大天光,真識歎!

先去氹仔觀光~

由於打風泳池冇開, 唯有在酒店浴缸浸水~~

亦由於出面打風,朗天就係留响酒店,爸爸教玩PSP~

第二日個風走左,check out後先行酒店商場

Lunch去出名的法蘭度食葡國餐

來到黑沙海灘

原來D沙真係黑色架~

 

 

今次有好多第一次,朗天第一次去澳門, 第一次用passport, 第一次坐船, 第一次住酒店,好開心呀!

 

複雜的心情~~

不經不覺朗天已經10個月大了,上年今日我仲大住個肚坐响學校等放暑假加產假,連續放4個幾月真係爽!!
今日我仍然坐响學校等放暑假,因為停課,唔洗教學,但就仍然要返工,政府出糧俾我我唔可以唔返工架~安心做個低級公務員啦!!

學校年年有人走,以前我係年資最淺果個,走完一個又一個,今日我係年資最深果個......,雖然好多人話我唔似做左咁耐加生埋個仔,但今年見住其中3個共事多年的同事調校,好感觸~~因為見佢地嘅時間分分鐘多過D好朋友,加上佢地睇住我由剛畢業的妹妹仔到結婚,生仔,而加佢地走左,(雖然調入來教的老師並唔係妹妹仔啦,好多都係比我更資深),我就變左呢間學校嘅”元老”啦!

以往一到暑假就諗住去邊度旅行好,今年邊度都唔去啦,實行做6星期的全職媽媽啦~其實朗天由出世到而家10個月大,我自問都唔算係一個稱職的媽媽,照顧BB好多時仍然雞手鴨腳,一唔掂我的奶奶+工人就會出手,睇住佢地執手尾我有D唔開心架,但佢地都係想幫我啫,咁我都樂意接受~~而玩嗰方面我又唔及老公,亞仔真係超鍾意佢,一見佢就笑到卡卡聲,因為老公每日的任務就係同佢玩,玩飛高高,bu bu 吱,騎牛牛……點會唔痴佢?而我?仍然排第五……

响Blog, facebook見到好多0809mama可以帶埋BB 幾個gathering一齊聚,知道佢地幾個family變左好朋友,互相探訪,shopping, 食飯,游水,行街,好羨慕呀~~我都好想成為其中一分子,而家放暑假,更加唔想屈响屋企,我呢Ｄ平時日日對住學生狂講嘢的人, 放暑假自然好想好想揾人,但又有冇人騷我呢?

 

p.s.~你睇下我抱人地個B女幾雞手鴨腳.....