試用大使~

參加了某網站的試用大使計劃,收到了一個U型枕頭,說適合6個月以上的BB,也可當作旅行時的方便頸枕試用,試用後係要我簡單寫出感想~但是在試用了幾次後,朗天很抗拒,毎當我把頸枕放在他的頸上,他像是很不舒服的樣子,用手想抓掉它。

你睇下佢幾唔舒服~~

 

另外,早前又被”P”牌的尿片抽中,給了一包它們下個月才公開發售的新品種尿片,又係要我在給亞仔試用後簡單寫出感想,但今次有d唔同,係會將我地D感想公開投票,最高票數的3個媽媽有獎架,不過要在12/6才正式公開,到時希望大家多多支持我啦(到時我會通知大家啦~)

就係呢隻新品種,佢地話6月會有得賣~

 

朗天の第一個母親節到海洋公園去~~

與朗天過第一個的母親節,係同埋老公加老爺奶奶一齊去海洋公園~~

上次去海洋公園時仲未大肚,係成班朋友去哈佬喂,嘩~好耐啦…..

心態唔同了,以前主要係玩玩玩,趕住排隊玩,今次再去,乜都亞囝行先,老公揸相機影影影,我揸view cam拍拍拍,老爺抱住亞孫,奶奶推bb車,我地仲要不斷引佢望鏡頭,怕佢熱又要擔遮撥扇,真係好似皇帝出巡咁~

不過見佢好奇咁睇動物,又見到魚魚哈哈笑,真係咩都抵番晒!

唔知點解,以前唔覺得有好多bb去,而家發現週圍都係bb,有d甚至細到2,3個月嘅bb都有~~

一向愛玩機動遊戲的我,又點玩錯過呢個機會呢~好耐冇玩啦,於是趁亞仔食奶時,自己去玩番2轉(冇錯,係自己一個去玩,因為老公唔敢玩!!!!!自從老公响韓國陪我玩過一次跳樓機之後就怕左,好多年都冇陪我玩啦,我每次都係自己玩咋~~)難得過山車&跳樓機都冇乜人排隊,最搞笑係跳樓機初時冇人排,我仲以為得我一個唔知會唔會為我而開,好彩後尾有多3個人排,我以為佢地識得,原來都係自己一個玩,其中一個女仔坐我隔離,講普通話的,仲驚到喊,真奇怪,咁驚又會自己玩??

 

BB第一次坐吊車

 

來一張全家福大合照

產後復出の滑水篇

上年暑假因為陀住亞囝,成年冇滑水啦,其實我係3年前已經學識滑水,仲係早過老公開始學滑水的,之後第二年先叫老公去玩,點知上年我玩唔到,老公反而上左癮,仲週圍叫朋友去玩,好想玩而又玩唔到的心情真係好慘架~~

今年終於等到啦~ 5月1日勞動節,天氣好好,雖然落水果下真係凍到震……,我好緊張呀,唔知冇wake成年D技術有冇唔記得晒呢?

眼見老公D技術已經超越我啦~~哼!!!唔制呀!!!

到我wake時,發覺自己生完仔真係渣左,冇法啦重左十幾磅係笨鈍d啦,而且又細膽左,唔敢跳呀!!!

希望下次wake時D動作再做好D!!

 

是日精選:爸爸訓練定亞囝滑水動作!!