小小病

病果個係我.....前晚食完晚飯又痾又嘔,唔知係個肚定胃抽住咁痛下又唔痛......

好想第朝唔返工......不過,我份工,唔返一日要還"堂",第日補返仲"金"!!!!

第2朝起身,好似好D啦~~都係返工啦!!

點知,我果班有4個冇返學喎,全校加埋都有幾廿個......全部係....流感!?

即刻睇下張"流感指引",oh!!原來痾嘔都係病徵....唔係呱?

放學拿拿聲去睇醫生,開到聲問佢我有冇流感,點知佢話我應該係胃痛!

胃痛唔會傳染,咁即係可以湊B啦~~

今日都係有D痛,我懷疑自己係腸痛......

唔通關我減肥事?因為我上星期開始,已開始食減肥餐......

但係仲未有成績wor~~點算?我都知起碼要半年.....努力努力!!!!

P.S. 睇下亞仔d"肉照"啦!!

終於拍到轉身啦

今日終於影到亞仔轉身啦~~

 

終於識轉身啦~

之前見到好多0809BB陸續識轉身啦!但亞仔好似仲未識……

咁我同老公都會間唔中同佢練習,佢都係因為個頭&身重得濟未能成功,

今日終於得左啦~Yeah!!!

本來想同佢拍video,但係成日一拍佢就唔轉,激C人!!!!

唯有影相啦…..

你睇下,好似好艱辛咁~haha!!!

 

咪玩我啦~ 阿爺!!

阿爺真係好鍾意同我玩......

(1)玩寫字

(2)寫到我好攰啦!!

(3)玩睇書

(4)玩行路

(5)玩扶住

(6)玩到我儍

(7)都係嫲嫲好D!

(8)玩到我扁晒咀啦!!咪玩我啦~ 阿爺!!

朗天@5個月大第一次食糊仔

 

BB已經5個月大啦~今日第一次食糊仔呢!!Hehe~

回鄉探親記

年初五同埋老公老爺奶奶帶埋亞仔回鄉探親去,4個大人的行李加埋都唔及亞仔一個咁多!!!去4日啫, 全喼載晒BB嘢,帶左6套BB衫,一罐400g奶粉,24條尿片,仲有睡袋奶樽毛巾棉花沖涼液玩具濕紙巾帽仔紗巾襪仔安全葯孭帶......

好彩BB鄉下係佛山,唔係太落後,坐火車約3個鐘就到!!!

睇下亞仔坐火車時的趣怪樣~

今次回鄉主要係老爺帶佢個孫去"威",不停拜年食飯拜年食飯,好彩佛山又唔係太凍,加上咁啱BB有個表妹仔(2個半月大)住响樓上,我地今次可以借用表妹的BB車&BB床,同埋响表妹仔屋企沖涼加消毒奶樽,好方便呢!!

呢個就係表妹仔啦~

BB今次回鄉的表現令佢亞爺非常滿意,因為佢成日笑又有反應又夠"大隻"!(最新長度係69cm及20磅),竟然大隻過鄰居9個月大的BB女,令亞爺非常開心......(但我怕佢變技安呀)

騎爺爺膊馬好得戚!

而BB其實呢4日好似有D病咁,有少少鼻水幾聲咳,令我非常擔心,好彩返來香港之後又冇乜事啦!!HEHE~