恭喜發財!!!

恭喜發財!!!利是來!!!!媽咪帶我去拜年,俾人笑我 着左件龍袍,叫做皇帝仔呀~

差D超重

昨天BB4個月1星期大,爸爸&嫲嫲帶佢去健康院,BB有8.5KG(差唔多18磅),醫生一睇,就話佢乜咁重o既?好彩佢同BB度高,有67cm,就話原來有咁高都ok!! 不過又話BB食到6-7安奶都夠, 但佢唔食就唔好迫佢la!!!!

跟住醫生俾個玩具引佢,BB當然望到實la!仲用手想捉住,醫生就讚BB叻叻啦!佢話估唔到佢個反應咁快呢! Ha Ha~~~

最愛食手手

亞仔最鍾意食手手,食完左手食右手,有時兩隻手一齊食添!!!

買左個奶咀俾佢唔肯食,吐番出來......

又勁流口水......

俾D相大家睇下先!

(1)食手の相

(2)睇下我個酒凹仔

(3)HI!醒目仔樣

(4)似唔似女仔呀?

朗天4個月大啦~

BB已經4個月大了~等我又記低佢的轉變先!!!

食量:4個鐘1次,每次210ml,夜晚約11:00p.m食埋可以瞓到第2朝8:00a.m

體重:16lbs

身長:67cm

嗜好:食手手,玩"飛高高",撩人講野

其他:手仔可以揸住玩具,食奶時鍾意揸奶樽,媽咪最鍾意佢成日笑!!!

唔信?去片!!!

 

一年容易又叱咜

2009年的第一個節目,就係同老公,BB的契爺契媽山長水遠入到機場博覽館去睇"叱咜"(特別鳴謝友人V先可以去),其實一月一日睇叱咜係我由做"女"到而家做人"亞媽"的節目,今年特別感慨良多......因為當我重踏機場博覽館,原來上次來的正是足足一年前,又係來睇叱咜,當時仲未知自己有左,但原來BB已在我的肚子裡!今年再來,BB已經差不多出世4個月了!!!

 

時間過得很快,令我回憶的不只是上一年,還有以往的叱咜, 因為以前我一定識晒所有得獎歌,上一年已發現自己只識70%, 但今年,好抱歉,只識一半.......係咪做左人亞媽會out左?

P.S : BB最近的相片