Merry Christmas~~

各位~~朗天祝大家聖誕快樂~~~

朗天の近況

真的很久沒有upload blog了,因為好懶,加上其實11月真的很忙,所以最近被blog友提醒下,的起心肝寫下啦~~

朗天這個月去左幾個不同的playgroup,有做baby gym的,

 

也有自家製的,

可幸每次爸爸也陪朗天去,好開心啊!

 上playgroup時發現同朗天同期的小朋友中,原來朗天是唯一識講較多嘢的:例如佢會認得並識叫全屋人,爹爹,媽咪,爺爺,嫲嫲,姨姨,婆婆,又識幾個英文:A,B,C,V,U,O,仲有1,2,3個個都讚叻叻喎,做媽媽的當然開心啦!咁其實佢係識講快過行路的小朋友,人地話:識行快過識講的係”辛苦命”喎,咁朗天咪係舒服命?haha !!

另一方面,知道好多08bb都報了N班,但做老師的我是沒有做此事的,因為我所有同事都沒有給自己的子女讀N班,我們這批做老師的堅信小朋友要”足齡”上學才好,2歲就讀書??太早了吧,,還有漫長的返學生涯啊~~(不過很多媽媽不認同呢)

而我,這個11月真的很忙,工作上有點抖不過氣,歸心似箭,好想準時放工陪朗天,(睇怕我都係要決定自己唔接受升職了)如果升左,雖然錢多左,但相對工作量又多左=放工遲左,咁我寧願早d放工陪朗天,希望老公揾多d啦!

Friendship Forever~

喜事一浪接一浪~

繼朗天的契媽大婚之喜後,前天是好姊妹vanni的wedding day,當然要做好姊妹一職啦!

 

接新娘玩遊戲時,從我多年做姊妹的經驗以來,這是我最”順利”的一次,難得兄弟們可以全部食晒要罰的食物,遊戲全部照玩,絕無賴皮,新郎哥非常聽話及認真,唱歌又好聽~很可愛~

 

是日晚宴場地正是我當年結婚的地方,一定要帶朗天來啊!!

 

很有心思的新娘子安排了雪糕車在婚宴場地出現,令所有賓客也吃得很開心及滿足,6種味我全部食哂!肥死也值得!!!!

見番好耐冇見的中學同學,原來大家都冇乜點變~

朗天全晚表現ok,冇乜扭計,睇下書書~

玩下筷子~

影下相相~

這是我期待已久的合照,to my 2位好姊妹:好開心we all have a happy family!!

P.S. 這是我2年多前結婚時影的,很多謝你們,我覺得自己好好彩識到你地!

這是上月契媽big day影的~

今次的網誌標題好像很老土:Friendship Forever,但我真的好開心好開心,因為感覺好像大團圓結局咁~Haha!!

朗天の人生第一次看煙花

十一國慶,只是經過尖東海旁,好多攝影發燒友霸定位等影煙花,朗天爸心血來潮想留低等埋一份,唔係呱?當時係下午5時,即係仲要等3個鐘,我好想好想反對,點知老爺竟然贊成,冇辦法~~

大家睇下在亳無準備下,唯有坐响地下邊等邊餵奶的我們,好似難民咁~

漫長的3小時等候時間終於過去,朗天全程冇扭計,謝天謝地!!!但又擔心煙花太大聲嚇親佢,好彩又冇喎,好叻仔呀!!!

最開心的一定係爺爺,週圍的途人不斷讚朗天,加上現場睇D煙花又真係好靚,可以三代同堂睇煙花,好難忘啊!

旺丁褂

今年接二連三的出席好友的婚宴,突然令我想起了我的褂~

對!!這原本是租來的褂,卻搞笑地變了屬於我......(因為在我結婚後第2日間婚紗店離奇地結業,想還也還不到!)

於是,一些網友,朋友,朋友的朋友知道後也問我借,我也樂意的,因為幫人慳左錢好開心啊~~

最開心是這是一件旺丁褂,繼我之後,據我所知每個着完我件褂的新娘子,陸陸續續都成為媽媽了!!!

愛。相隨

你知嗎?我一直着緊你~

我好像很多朋友,但知心的不多......

當年要找伴娘,第一個想起你,我要有個靚伴娘陪嫁

這些年來,你和我說的心事我一直埋在心中,連老公也不知

直至你和阿輝在一起,我們很開心~雖然我沒有做過甚麼~

感覺好像是成功撮合了你倆,當然要阿輝努力先得啦!!

由你們拍拖,影婚紗相,到大日子,心想,其實你們天生一對~

尤其你們影的相,好羨慕,只有阿輝才可配合你的攝影效果~

其實你也很就我,我知道~在你的多次旅行中,我有幸成了你其中一次旅伴,在於我,你是我第一次到日本+自遊行的盲公竹,我就像大鄉里出城,但你一一接受我的愚昧~

多謝你做了朗天的契媽,朗天多了你的愛錫!!

你的大日子,期待了很久,

恕我做了不稱職的姊妹,

但老公是很落力的做其兄弟~~

至於朗天,我就當正佢係花仔啦!

其實,如果我老公高一點,當年的伴郎一定係亞輝做,Haha!!

 

不得不說,你的婚宴好成功,Good Show!!

其實明白你最怕賓客打擾你的星級嘉賓,但是控制不了的,包括我~~Sorry!!!

 

 

0809BB1歲生日派對@帝京

這是朗天的第2個生日party,今次有105個BB一齊慶祝~

大家都係0809BB,好熱鬧,仲見番好多Blog友呢!!!

咁啱同一枱有Anson BB +Bubi,好有緣呀!

一去到就去爬行區玩下先~

當然唔少得同蛋糕影相~

好耐冇見的朋友仔嘉嘉&恩公主

105個BB大合照

今次負責揾sponsor的Fiona媽媽,揾到好多禮物wor~

Blog友Frances+Bubi

好襯好似情侶裝

一家三口留影

朗天の一歲生日派對

朗天一歲仔啦~第一個生日會與親戚們開party~~

因為場地太細,(係屋企樓下club house),唔可以請其他朋友仔添~

我地打算簡簡單單慶祝,所以自己買少少嘢+DIY佈置算了,但效果唔錯wor~

 

 首先有貼上所有會出席的親友與朗天的合照

另外仲有設計左配對遊戲,給親友們玩

大廳佈置Part I

大廳佈置Part II

大廳佈置Part III

 

Party食物全部係朗天嫲嫲整的,好勁

當然唔少得氫氣球

再加個3D立體巴士蛋糕

開餐lu~

當日一齊圍在電視前睇大結局!

與契爺契媽合照

與爺爺嫲嫲合照

一家三口!!!

Happy Birthday to Owen!!

朗天生日快樂!!! 身體健康!!! 快高長大!!! 聽聽話話!!! 笑口常開!!!