探B記

今日同成班同事一齊去探呢個小B女(佢係我地學校2008年出世的第2個BB),其實今年真係幾旺啊,我個B將會係學校2008年出世的第4個BB啦!唔知D學生見到咁多大肚的老師係咪覺得好搞笑呢?嚟緊第3個BB應該5月尾出世啦,我呢個媽媽有好多同事分享經驗俾我知呢

(小B女未滿月,得21日人仔咋!)

之後去左拎貨,哈哈....就係呢部babyplus胎教機啦!原價($1888),我上網用半價價錢左右就俾我投到啦

本來冇諗住買,講真千幾蚊真係幾貴,但係屋企D音響設備响廳,每次要出廳聽D胎教CD好麻煩,咁啱見表妹用緊話幾好&方便就心陏陏想買,哈!又真係俾我見到有人放出來拍賣,仲要平一半!正!第時用完借俾Friend用都抵吖

部機由18W聽到生為止,我己經遲左1W聽啦,希望有效啦!

聽到啦!

 之前俾健康院個姑娘嚇親之後,真係有D擔心~好彩好多朋友,同事,網友都關心、安慰我,咁我都安樂D!

同我個已懷孕五個多月的表妹分享時,先記得佢買左個聽BB心跳機,係喎,試下用佢部機聽下咪得law!

(呢部就係聽BB心跳機啦!)

好開心呀~表妹好快就同我揾到我個BB的心跳聲......"卜卜卜卜卜"

好快架,聽到啦!!!

原來健康院D機真係"渣"D架

......

今日下午自己去健康院產險,姑娘同我聽BB心跳時,揾左好耐都揾唔到,佢叫我出去休息下一陣再check,我已經忍唔住即刻打電話俾大頭仔喊啦,點知佢同緊個客傾生意,叫我唔好喊住......

等左一陣姑娘再叫我入去,可能個姑娘知我好驚,佢好有耐性再揾,終於揾左好耐先聽到,佢都話:"聽到啦!",我先鬆一口氣!後尾等左成個鐘見醫生,我同醫生講好驚,佢話可能d位罝唔啱就聽唔到,總之聽到就得!
我再call大頭仔,佢話佢頭先擔心到唔知同個客講乜了......
其實我而家仲好驚,因為下一次要等到9/5先去私家 check了!

脹爆!

   呢2日都有同事話我脹左好多呀!!!唉!!!我知呀~~前日產檢上磅就知自己重左1x磅

啦!重過我以前最癲峰的時期,如果我再係咁,到9個月時唔知會唔會重過大頭仔?

  自從習慣左食早餐之後(未有之前我冇食的),就算唔洗返工,都會自自然然"餓醒"!

咁就要揾野食啦!有時食完又瞓,瞓完又食,唔肥就奇

  今日終於有學生問我係咪有BB,可能已經見肚啦!不過我班1仔應該仲未知,佢地太

細啦

Lucky B

自知道有了大頭B後,(因為大頭仔做了爸爸,他的BB不是大頭B嗎?),已決定在QE生了,因為同事們大部分也在這裡生,好處是因我們是公務員的關係,可以自動提升在二等房,每次產檢也排公務員隊(免除與大陸人一齊排),更每次是跟着同一醫生呢!本來大頭仔也考慮在私家醫院生,但最低消費也成四萬!!!不如將呢四萬第時買奶粉俾大頭B仲好!!

今日又再去QE照超聲波,我覺得大頭B真係幾lucky,因為我上網明明睇見好多媽媽勁彈QE一次超聲波都冇得照,但我在情人節那天第一次產檢時醫生就俾大頭仔見大頭B啦!(但部超聲波機就好鬼細部,只係醫生&大頭仔睇到,我瞓响張床上面只係望住天花板),跟住醫生仲話俾我4月(今日)照多次呢~~~HAHA!大頭B真係lucky,因為咁樣我又可以慳番一次去私家醫生照的$$$了!咁今日我去照原來部機冇咁"雞"啦!有部37"大電視响我前面可以俾我&大頭仔睇,而且係2個女護士同大頭B照,原來亞B大左啦,會逐個部分照,並唔係一照睇晒全身,我地見到佢個頭仔,手仔,腳仔,心,胃,腎......仲有"重要部分",齊晒!一照就照左40分鐘,好詳細!我問姑娘咁算唔算照結構?佢話其實要等亞B再大D先,過今日要照的都幫我照晒啦!咁我下個月Book左私家照結構到時再清楚D lu~~~