Happy Week

 

今週過得好開心,因為好多唔同的朋友同我慶祝生日呀!

晚晚出街食飯好肥仔,不過唔緊要,開心就得啦

 

我都唔細啦~~竟然仲有生日蛋糕同埋成班朋友响餐廳唱生日歌俾我聽,果一刻我又尷尬但又感動!

 

咁大個女第一次收燕窩做生日禮物,雖然我唔識整(要勞煩我奶奶幫我燉先得),點都要影低佢,我自己都未必捨得買!

呢份都係燕窩,即食的啱晒我

其實仲有其他禮物的,真係多謝晒咁多個好朋友,最開心係我感受到你地每個都替我高興,也常常叫我小心(雖然我平時真係"論盡"左d),點都好啦,多晒!!

保護自己,免受傷害

自從坐我對面果位怪同事試過2次大力拍枱"震"跌我D野之後,令我有2晚發同一個惡夢,夢見佢推晒我D野落來,搞到我第2日返工即刻睇下我個位有冇事~~~

大家可能唔係好明:事實係呢個怪同事一直唔會同人講野,一直唔會返教員室,只會"呢埋"某一課室做野,但佢個位就係我對面,偏偏我要同佢share枱頂上的架,佢每次返來拎書就大力拍枱"砰砰砰砰",我地都慣晒啦!但上次佢又大力拍時,我架上的玻璃裝飾就俾佢震跌打爛了,佢知道又點?咪又走左去law~~~

咁我拿拿聲收埋其他裝飾啦,點知又有第2次拍枱,今次我另一同事見到我架上的文具就快跌,即刻幫我用手托住並同佢講"跌啦!"呢個怪同事仲拍多幾次添!!!!拍完又走左去~~~~

為左保護自己,我做左以下"防風措施"

我用封箱膠紙貼實我張枱同個架,加埋絲帶綁住D文具,希望對面位怪同事再大力拍,D文具都冇咁易跌!!!

你睇下我個位幾"凌亂"!冇法啦~~好多簿改呀,有排清!

DonDon&小牧の新居

兩隻住了深水埗舊居3年多了,現在搬了紅磡,對佢地來講,地方大了,這裏是屋內牠們還未玩時拍下的

Dondon(史納莎)成日蝦小牧架!這張相就是証據!牠又在追住小牧咬啦!

這間屋是在閣樓(唐樓),有一個所謂的露台仔,牠們最愛跑出去,Dondon跑到跳起!

這裏是舊區舊樓,沒有靚景也較嘈雜,但就最喜愛有這露台仔讓牠們跑跑跳跳,比以往的舊居好多了