識我的朋友都知我有2隻狗!
你地鍾意邊隻多D呀?點解咁問呢?因為每次我帶2隻出來玩,
朋友們都自然同我講:1.我鍾意DonDon多D!/2.我鍾意小牧多D!
哈!原來2隻各有fans wor!!
不如我詳盡D介紹佢地啦!
DonDon:史納莎3歲仔,聰明D,但懶D,唔鍾意綁住(如果綁住唔肯行,同你鬥拉),
不過會死跟人,一定响你腳邊,唔會走開!為食,肥胖
絕招:識得hand,sit,No(會停止動作,即點穴)自解(會縮骨功解開狗帶)
小牧:迷你牧羊3歲半女,靚D,鍾意行唔會停,飽就唔食(食量較少),鍾意突然錫你一啖!
絕招:狂圍住人轉圈(好似D鯊魚咁),反肚腩俾人摸
請投票!!!!!
想寫的呢件事其實發生左好耐,就係我結婚時响尖沙咀樓上鋪租衫的奇遇~~
年半前,與大頭仔行婚紗展誤打誤撞join左呢間鋪,俾左$1000訂.....
隔左幾個月,自己去尖咀揾呢間鋪,弊家伙,冇開門,我開始担心果一千蚊冇啦
之後發現原來要打電話約定先開門,咁都安心D!
又過半年,發現蒙羅麗莎D婚紗靚好多,於是將呢間D衫改為只租褂,新郎衫,伴郎衫同3件媽咪衫....
大婚前一日,叫大頭仔去攞衫,原本3:30p.m.去拎,個老闆娘成7:00p.m.先到,仲要漏左件毛毛披肩
我响電話度狂鬧狂鬧狂鬧!!!搞到大頭仔都唔好意思.....但大佬呀,我聽日大日子你咁搞喎!
終於乜都拎齊走人,唔知佢係咪唔好意思,冇收按金呢!
大婚之後第2日,先去蒙羅麗莎還衫,大頭仔件白色新郎衫有紅酒漬,俾我遲一日還!
跟住去尖咀呢間還,竟然冇開門,打電話又冇人聽,咁我咪留字條貼响門口,再留言俾佢!
第3日,件白色新郎衫俾我洗到甩線,蒙羅麗莎竟然冇收罰款wor,大公司真係唔同D!
到去尖沙咀呢間,仍然冇開門!!我禽日張字條仲貼住,唔通執粒?我一再留言留電話留字條....
到今時今日仲未叫我還衫!!!
我套褂幾靚!HAHAHA!!!12月有姊妹結婚,前日借俾佢試下我套褂,ok wor!
我借俾佢着,可以幫佢慳番租褂錢,好開心呀
網友在我結婚時送了一部wii給我們,啱晒大頭仔啦!早前趁Easter去改機玩"番梘"game!
點知買game超麻煩!!首先用紙寫低你買邊隻game,然後俾$,叫你半個鐘後去拎!
但到你去拎時竟然話冇貨......
(大頭仔第一次去買時仲經典,就係買左之後,半個鐘後去到竟然俾海關"come"左)吓?改機用左$400,買game$200,咪冇左$600?
好彩!!!原來呢間"番梘"店好有信用,過左幾日開返又真係肯俾番D game你喎!不過D貨硬係唔齊law!
之後第2次幫襯,大頭仔買4隻,得3隻有貨,叫你第日去拎,佢將呢個重任交俾我,我先知呢間番梘店咁多人幫襯,係排長龍拎game架,不過我第1日去拎又冇貨,第2日去拎又冇,好在D sales好有禮貌,sorry前sorry後!同埋近我屋企咋,如果我係山長水遠來,真係鬧爆佢
!結果,第3日有貨啦!
今日在沒有大頭仔的情況下,借左佢部車去西貢與同事BBQ!
誰知在等侯同事去買燒烤用品時,我在車內與2隻狗狗嘆泠氣聽收音機......
突然架車乜都熄晒!到同事返嚟先知我咁樣開住冷氣會冇晒電
弊家伙!架車仲要泊响西貢大街,急call大頭仔佢只可以搖控教我用"過江龍"!
又叫我小心呀亂整會爆炸!嘩嘩嘩!!
好彩俾我遇到個好心男士,佢見我地開左車頭就問我係咪架車冇電.......
係呀係呀!!佢就主動駛架車埋黎仲用佢自己條"過江龍"幫我叉番着架車呢
真係出門遇貴人啦!!
(我又學識以後停車唔可以開冷氣,點用"過江龍".......其實早知唔考車牌啦,
咁鬼煩成日俾大頭仔鬧我危險駕駛,唔揸又話我懶去揸,唉.......)
)