Sandy 的 BLOG: 3月 2007

2007年3月29日星期四

1,2,3三角形

4,5,6六吋半

7,8,9手叉腰

10,11,12喂喂喂

Hello Kitty搭錯線!

今日聽到D 1仔一路講一路做動作,我問:邊個教你架?

佢地話:唔知呀!

廿幾年前我都講過wor!

邊個教我架?

我都唔知呀!

馬莎的餅乾一向很有水準!今次呢隻得意動物餅幾好味(味道有D似馬利餅,好香牛油味)

加上個包裝好sharp,好得意,你睇吓!我揾到14種動物呢!同我細個一向食開的舊得意動物餅更多款呀!

第一次下厨:瑞士雞翼,叉燒炒蛋,咸蛋蒸肉餅,椰菜炒臘腸!

大頭仔話合格架!

無意中學人响space寫下野,歡迎參觀!

靚靚sandy的分享空間:

結左婚個多月了,嘗試處理一下這個wedding blog,之前的網誌都係我個伴娘幫我整的,(老實說:我確實是電腦白痴!)但......公司卻揾我處埋IT事宜

變左大頭仔老婆,感覺怪怪的,怪的是我俾人叫表嫂,表嬸,表舅母......喂,叫番我珊姐姐啦唔該!!

但有同事近日同我講我結婚後剪短髮,轉新look後,由一個妹妹仔變左大個女,成熟左......唉吔,咁咪唔可以再着cute衫?我仲好鐘意着有個大公仔响心口果D衫wor!

昨晚同預科同學聚會,係佢地先最知我係"零"家務的女仔,每次都俾佢地"鬧"我咁都有人要? Sorry!我真係希望繼續做我的零家務新抱!不過,我有壓力啦!唔做野俾人暗示啦!